Varúlfur hér?

Var úlfur hér?

Leikrit eftir

Svan Gísla Þorkelsson

Persónur:

Gylfi Guðmundsson Læknir

Ófeigur, maður á miðjum aldri.

Eva Hrund yngri eiginkona Ófeigs

Einar Oddsson Geðlæknir

Linda læknaritari

Fríða (Ásta)

Sregei ungur nýbúi

Milla miðaldra nýbúi

Sasja Ungur nýbúi

Vidars Hávaxinn nýbúi

Gunna Ung kona

Jón ungur maður

Forleikur.

Sviðið er Herbergi Fríðu (Ástu) sem kemur inn með kvöldmálningu í andlitinu og klædd eins og hún sé að koma af skemmtistað. Hún tekur til við að skipta um föt og fara í hjúkku-sloppinn taka af sér farðann og mála sig upp á nýtt með dagfarða. Hundurinn hennar, stór úlfhundur, liggur við fætur hennar á meðan. Þessi forleikur tekur 8- 10 mínútur og endar með því að hún fer út eftir að hafa gefið hundinum mat í skál.

Fyrsti þáttur

Sviðið er nútímaleg læknisstofa. Skrifborð, nokkrir stólar, tölva á borðinu og sími. Skápur stendur upp við vegg og spegill á veggnum komið fyrir þannig að áhorfendur sjá beint á hann.

Gylfi

(Situr við skrifborðið, tekur upp símann, ýtir á einn takka) Þú mátt senda næsta inn.(Þögn) Hann er síðastur er það ekki? Takk

Ófeigur

(Kemur inn) Sæll, ég heit Ófeigur.

Gylfi

Gjörðu svo vel að fá þér sæti. Hvað get ég svo gert fyrir þig?

Ófeigur

Konan mína er varúlfur.

Gylfi

Fyrirgefðu, hvað sagðir þú?

Ófeigur

Konan mín er varúlfur.

Gylfi

(Brosandi) Ertu viss um að þú sért á réttum stað. Þú ættir kannski frekar að hafa tal af hjónabandsráðgjafa, ja eða presti.

Ófeigur

Ég vissi ekki alveg hvert ég átti að leita. En ákvað samt að leita til þín.

Gylfi

(Hlær en sér svo að manninum dettur ekki bros á vör og er augljóslega alvara) Þér er full alvara er það ekki?

Ófeigur

Mér er fúlasta alvara.

Gylfi

Má ég spyrja, hvernig veistu þetta.

Ófeigur

Ég hef séð hana breytast.

Gylfi

Og breyttist hún í úlf?

Ófeigur

Já.

Gylfi

Alvöru úlf?

Ófeigur

Já.

Gylfi

Ég verð að viðurkenna að í læknisfræðinni sem ég nam var ekkert um varúlfa. Það er ekkert víst að ég geti neitt hjálpað þér. En kannski getur einhver annar læknir það. Hvenær varðstu fyrst var við, hum, að, eh, þetta?

Ófeigur

Fyrir fáeinum dögum. En mig er búið að gruna dáldinn tíma að ekki væri allt með feldu. Ég veit ekki hvernig þetta hefur gerst en sjálfsagt hefur einhver bitið hana einhverntímann, örugglega einhver karlúlfur á lóðaríi.

Gylfi

Já þú segir það. Geturðu lýst nákvæmlega fyrir mér hvernig það gerðist að þú uppgötvaðir þetta.

Ófeigur

Það var um kvöld fyrir nokkru, við vorum að fara að sofa. Börnin okkar tvö höfðu verið eitthvað óróleg svo við leifðum þeim að kúra upp í hjá okkur. Svo gerist það að ég heyri einhvern gauragang í kjallaraíbúðinni en þangað er fólk nýflutt inn, sem ég þekki ekki. Lætin voru svo mikil að ég bað konuna mína að athuga hvort eitthvað gengi á. Hún fór fram úr en áður en ég vissi stökk hún upp á rúmið og fór að ýlfra. Ég var dauðskelfdur og börnin líka. Satt að segja urðum við alveg logandi hrædd og hentumst öll upp úr rúminu og hnipruðum okkur saman út í horni á herberginu. Þegar hún sá hversu hrædd við vorum, fór hún að tala um að hún myndi ekki vinna okkur neitt mein, sama hvað gerðist. Um leið og hún fór að ýlfra heyrði ég að fólkið á neðri hæðinni fór líka að góla. Á meðan hún talaði sá ég hárbrúska skjótast út undan náttkjólnum hennar á höndum og fótum og svo fór hún að ummyndast. Áður en varði var hún orðin að úlfi sem síðan stökk út úr herberginu.

Gylfi

Og horfðu börnin á þessi ósköp? Hvað eru þau gömul.

Ófeigur

Já og nei. Þegar að hún byrjaði að ummyndast reyndi ég að þrýsta þeim að mér svo þau sæi ekki móður sína í þessum ham. Ég held að þau hafi ekki heldur trúað sínum eigin augum. Þau eru bara fimm og sex ára.

Gylfi

Ja hérna. Maður hefur nú heyrt ýmislegt um dagana, en þetta er hreint ótrúlegt. Segðu mér, ertu á einhverjum lyfjum.

Ófeigur

Hvað, trúir þú mér ekki?

Gylfi

Þú verður nú að viðurkenna að þessi saga er soldið ótrúleg. Fólk umbreytist ekki í aðrar skepnur, það er gjörsamlega útilokað. Fyrir því liggja óteljandi læknisfræðilegar forsendur.

Ófeigur

Segðu það fólkinu á neðri hæðinni.

Gylfi

Hvað meinarðu?

Ófeigur

Fólkið á neðri hæðinni eru allt varúlfar. Það er varúlfagengi.

Gylfi

Hvernig veistu það?

Ófeigur

Eftir að konan mín stökk út úr svefnherberginu þarna um kvöldið heyrði ég hana snuðra um í stofunni. Ég kíkti inn í stofuna í gegn um rifu á hurðinni og sá hana opna stofugluggann með skoltinum og inn um hann komu ekki færri en fimm úlfar. Þeir þustu svo allir ásamt henni upp á háaloftið þar sem við erum nýbúin að innrétta svona sjónvarpsskonsu. Þar heyrði ég í þeim alla nóttina ýlfra og djöflast og ég veit ekki hvað. Snemma um morguninn heyrði ég að þau komu niður stigan aftur en þá voru þau aftur orðin mennsk. Ég heyrði konuna mína kveðja þau við útidyrnar og skömmu seinna heyrði ég umgang á neðri hæðinni þegar þau fóru inn til sín.

Gylfi

Sagðir þú eitthvað við konuna þína þarna um morguninn?

Ófeigur

Já, en ég var enn mjög hræddur eins og gefur að skilja. Þegar hún kom inn í svefnherbergið aftur voru litlu krílin sofnuð þó þau létu illa í svefninum. Hún bara stóð og horfði á okkur í lengri tíma. Þá spurði ég hana hvað hún væri að hugsa. Hún svaraði að hún væri að íhuga hvort hún ætti að bíta okkur öll eða ekki, eða bara mig eða bara börnin.

Gylfi

Hvar er konan þín núna?

Ófeigur

Heima held ég.

Gylfi

En börnin?

Ófeigur

Heima líka, nema að þau séu úti að leika sér.

Gylfi

Hvað er síminn heima hjá þér?

Ófeigur

631 5594

Gylfi

Er þér sama þó ég hringi í konuna þína?

Ófeigur

Til hvers ætlarðu að hringja í hana.

Gylfi

Ég verð að fá einhvernveginn staðfest að þú sért ekki að spinna þetta allt saman upp. Hver er kennitalan þín?

Ófeigur

13.12.66. 33 44

Gylfi

(Slær þessu inn í tölvuna) Já ég sé að þú ert ekkert á skrá. Heyrðu? Er þér ekki sama þó ég hringi í hana. Hvað heitir hún.

Ófeigur

Hún heitir Eva Hrund Karlsdóttir. Það er ekkert víst að hún svari símanum. Hún var að þvo þegar ég fór út og eitthvað að stússa niðri í þvottahúsi eins og venjulega þessa dagana.

Gylfi

(Tekur upp símann og hringir) Já góðan daginn. Er þetta Eva Hrund? (Þögn) Ég heiti Gylfi Guðmundsson, læknir á heylsugæslunni. Hann er hjá mér hann Ófeigur maðurinn þinn. (Þögn) Nei nei, það kom ekkert fyrir hann en...(Þögn) Nei það er ekkert að honum að ég best veit en hann bar upp við mig erindi sem ég held að þú verðir að vita um. Áttu heiman gengt sem stendur? (Þögn) Þú getur vel tekið þau með þér. Ég er viss um að þau munu una sér vel í leikherberginu hérna á meðan við spjöllum dálítið saman. (Þögn) Það er erfitt að segja, en það er best að ég skýri málin þegar þú kemur.(þögn) Já það er sem betur fer ekki langt að fara, sjáumst þá eftir. (Þögn) Já segjum það. Blessuð. (Leggur á) Jæja hún er á leiðinni.

Ófeigur

Á ég þá bara að býða þangað til hún kemur?

Gylfi

Jæja, Ófeigur, hvað gerir þú annars.

Ófeigur

Ég er járnsmiður.

Gylfi

Enmitt já. Járnsmiður. Heyrðu, segðu mér aðeins frá börnunum þínum. Hvað heita þau?

Ófeigur

Gunna og Jón.

Gylfi

Hvort er eldra?

Ófeigur

Gunna.

Gylfi

Ég á sjálfur þrjú börn. Þau eru uppkomin að sjálfsögðu. Hvað eruð þið Eva búin að vera saman lengi?

Ófeigur

9 ár.

Gylfi

Sjálfur hef ég verið giftur í 20 ár. hefur allt gengið vel fram að þessu hjá ykkur?

Ófeigur

Bara ágætlega þakka þér fyrir.

Gylfi

Engar heimiliserjur eða ósætti?

Ófeigur

Aldrei nokkur skapaður hlutur fyrr en núna þá. En hjá þér?

Gylfi

(Brosir) Heyrðu, segðu mér. Eru einhverjir ættgengir sjúkdómar í fjölskyldunni þinni sem þú veist um?

Ófeigur

Ja ég veit ekki alveg hvað á að segja. Mamma kvartaði stundum um dofa í fingrum og hún sagði að amma hefði þjáðst af því sama. Upp á síðkastið hef ég stundum fundið fyrir einkennilegum dofa í vinstri hendi, en það varir sjaldan lengi.

Gylfi

Líklega bara æðaþrengsli. Það þarf ekki að vera neitt alvarlegt. Reykirðu nokkuð?

Ófeigur

Nei ekki lengur. Hætti fyrir fimm árum.

Gylfi

Einhverjir geðrænir sjúkdómar í fjölskyldunni?

Ófeigur

Ekkert sem heitið getur. Afi var að vísu stundum soldið þunglyndur og hefði hann verið uppi á öðrum tímum hefði hann örugglega verið settur á Prosak eða eitthvað annað.

Gylfi

Er það pabbi mömmu þinnar sem þú átt við?

Ófeigur

Já Ófeigur Afi. Ég er skýrður í höfuðið á honum.

Gylfi

Einmitt. En föðurættin?

Ófeigur

Hvað með hana?

Gylfi

Einhverjir geðsjúkdómar í henni?

Ófeigur

Þú ert sem sagt á því að ég sé eitthvað skrýtinn?

Gylfi

Ég veit satt að segja ekki hvað maður á að halda. Það er ekki daglegt brauð hérna hjá okkur að fólk komi og kvarti yfir því að makar þeirra breytist í villidýr? Alla vega ekki bókstaflegri merkingu.

Ófeigur

Ég kom af því að ég vissi ekki hvert annað ég átti að leita. Ef ég hefði farið til lögreglunnar mundi hún örugglega meðhöndla þetta sem heimilisofbeldi eða eitthvað svoleiðis.

Gylfi

En hún hefur ekki bitið þig eða börnin fram að þessu?

Ófeigur

Nei, hún er líklega enn að bræða það með sér hvort og hverja hún eigi að bíta.

Gylfi

Nú er ég ekki alveg viss um hvernig þetta virkar í sögunum, en verða allir að varúlfum ef þeir eru bitnir af varúlfi?

Ófeigur

Já það held ég. En ólíkt vampírunum verða þeir ekki að varúlfum þó þeir séu drepnir af varúlfi.

Gylfi

Ekki segja mér að þú trúir líka á vampírur.

Ófeigur

Ég var bara að segja þér hvenig þetta er í sögunum. Ég hef aldrei hitt raunverulega vampíru að ég held, nema þá ef það væri bankastjórinn minn.

Gylfi

Ég var að velta því fyrir mér hvort ekki væri gott að fá hann Einar Oddsson hingað inn til okkar. Hann er með viðtalstíma hérna frá klukkan tvö og gæti verið laus.

Ófeigur

Hver er Einar Oddsson?

Gylfi

Hann er geðlæknir. Mjög þægilegur náungi sem gæti verið gott að hafa hérna þegar Eva kemur.

Ófeigur

Ég verð að leggja þetta í þínar hendur eins og komið er. Ef þú telur það ráðlegt, skaltu kalla á hann.

Gylfi

Ég ætla að bregða mér aðeins til hans og sjá hvort hann er laus.Sittu bara rólegur á meðan, ég kem að vörmu spori. (Stendur upp og fer út)

Ófeigur

(Ófeigur stendur upp og gengur um gólf. Hann staldrar við fyrir framan spegil og talar til spegilmyndar sinnar) Hvað sagði ég þér ekki. Þeir halda bara að þú sért klikkaður. Ef hún neitar, loka þeir þig örugglega inni á geðdeild eða fara með þig á Klepp. Og hvað ætlast þú svo sem til að þeir geri, jafnvel þó að sannleikurinn komi í ljós. Gefi henni pillur svo hún hætti að vera varúlfur.(Hlær) Jæja maður veit aldrei. Kannski er til eitthvað ráð til við þessu. (Þögn) Ég vona bara að þeir láti ekki loka hana inni. Kannski er bara best að láta hana bíta sig. Ef við værum ein væri það eflaust besta lausnin. En það er bara ekki hægt að láta hana bíta börnin. Eða er það? Eiga þau allavega ekki skilið að fá að velja?

(Það er bankað á hurðina og Ófeigur hleypur til og sest í stólinn. Hurðin opnast og í gættinni er hjúkrunarkona)

Fríða

Er hann Gylfi ekki hérna?

Ófeigur

Hann skrapp aðeins frá.

Fríða

Veistu hvert hann fór?

Gylfi

Hann ætlaði að hitta hann Einar Oddsson.

Fríða

Nú, bíddu var hann ekki að sinna þér?

Ófeigur

Jú jú hann bara þurfti að hafa tal af þessum Einari.

Fríða

Ég er svo aldeilis. Jæja er allt í lagi með þig þá?

Ófeigur

Já já hann kemur örugglega strax.(Stendur upp og bendir á hana hugsandi eins og hann þekki hana en komi henni ekki fyrir sig)

Fríða

Heyrðu, heitir þú ekki Ófeigur?

Ófeigur

Jú jú, Ófeigur.

Fríða

Ertu ekki maðurinn hennar Evu?

Ófeigur

Jú, þekkir þú hana eitthvað?

Fríða

Já, við erum saman í saumklúbb. Hvernig hvefur hún það annars. Er hún búin að ná sér?

Ófeigur

Ná sér? Hvað meinarðu?

Fríða

Er hún ekki búin að vera veik upp á síðkastið?

Ófeigur

Ekki svo ég viti. Af hverju heldurðu það?

Fríða

Alda hans Badda sagði að hún hefði hringt og sagst vera veik. Hún hefur ekki sést vikum saman svo eitthvað hlýtur nú að hafa verið að.

Ófeigur

Alda Hans Badda? Hver er það.

Fríða

Þú veist vel hver Alda er, er það ekki? Við hittumst alltaf heima hjá henni.

Ófeigur

Nei ég fylgist ekki með hvert hún Eva fer á saumaklúbbsfundi. En þessi veikindi hennar hljóta bara að vera pestin sem hún fékk í vetur. Hún er löngu orðin góð af henni.

Fríða

Jæja, það er gott að heyra. Ég bið allavega að heilsa henni. Ég heiti Fríða.

Ófeigur

Þú getur heilsað henni sjálf. Hún er á leiðinni hingað núna.

Fríða

Ég rekst þá bara kannski á hana. Gæturðu skilað til hans Gylfa að hafa samband við afgreiðsluna þegar hann kemur.

Ófeigur

Geri það.(Fríða fer og Ófeigur stendur aftur á fætur og talar við spegilinn) 9 ár. 9 ár. Og þú veist ekki einu sinni að hún er í saumaklúbb. En þetta kemur allt heim og saman samt. Úlfar geta ekki saumað. (Hann fer að fikta við spegilinn og kemst að því að hann er á hjörum. Þegar spegillinn opnast sér Ófeigur að skrifað er á vegginn. Hann les það upphátt.) “Ráði holdið yfir andanum skal því refsað” (Ófeigur lætur spegilinn aftur og um leið koma þeir Gylfi og Einar. Ófeigur tekur upp greiðu og greiðir sér í flýti.)

Gylfi

Jæja Ófeigur. Þetta er Eeinar Oddsson geðlæknir.

Einar

Sæll (Einar og Ófeigur takast í hendur.)

Gylfi

(Sest í sæti sitt) Ég er búinn að segja Einari utan og ofan af málinu. Hann féllst þegar á að koma.

Ófeigur

(Sest í stólinn og Einar dregur líka til stól og sest við skrifborðið.) Það er nú gott. Hún Fríða vill að þú hafir samband við afgreiðsluna. Hún stakk inn nefinu hér áðan að leita að þér.

Gylfi

Fríða? Hver er það. Hlýtur að vera einhver ný.(Tekur upp símann og hringir) Já, Linda. Er einhver Fríða þarna? Hún var að leita að mér áðan. (Þögn) Nú, jæja, þetta hlýtur að vera einhver misskilningur. Takk. (leggur á). Hvernig leit hún út þessi Fríða?

Ófeigur

Hún var ljóshærð, stutt og með rauðar varir og í svona hjúkkuslopp.

Gylfi

Það kannast enginn við hana í afgreiðslunni.

Ófeigur

Hún sagðist þekkja Evu. Við getum spurt hana hver hún er þegar hún kemur.

Einar

Áttuð þið langt samtal?

Ófeigur

Langt? Nei.

Einar

Um hvað töluðu þið?

Ófeigur

Hvað er þetta orðið eitthvað mál. Það rak hjúkka inn nefið hérna áðan og sagðist vilja ná tali af Gylfa. Svo spurði hún hvort allt væri í lagi hjá mér og hvort ég væri ekki maðurinn hennar Evu. Svo spurði hún hvernig Eva hefði það því hún væri með henni í saumklúbb og hún hefði ekki mætt undanfarið. Svo bað hún mig að skila því til Gylfa að hafa samband við afgreiðsluna og fór.

Einar

Hvers vegna varstu að greiða þér þegar við komum inn?

Ófeigur

Ég veit að þið sálfræðingar viljið leggja einhverja merkingu í allt mögulegt. En ég var bara að drepa tímann.

Gylfi

(Síminn hringir og Gylfi tekur hann upp) Já, einmitt. (Þögn) Já getur þú litið eftir þeim á meðan. (þögn) Ok, vísaðu henni bara inn.(Leggur niður símann) Eva er kominn. (Gengur að dyrunum og opnar þær. Eva birtist í dyrunum. Einar dregur til stól við hlið Ófeigs) Sæl Eva. Ég er Gylfi. Þetta er Einar Oddsson geðlæknir sem ég kallaði til með samþykki Ófeigs. Gjörðu svo vel að fá þér sæti.(Tekur í hönd hennar og leiðir hana í stólinn og hún heilsar einnig Einari)

Eva

Hvað er eiginlega um að vera. Ertu eitthvað lasinn Ófeigur minn?

Gylfi

Það er kannski best að ég setji þig inn í málið núna í örfáum orðum. Ófeigur kom til mín og sagði mér dálítið skrýtna sögu.

Eva

Nú, hvaða sögu?

Gylfi

Hann sagði mér að hann hefði séð þig breytast í úlf og að hann haldi , nei viti, að þú sért varúlfur.

(Þögn)

Einar

(Brosir) Ertu varúlfur Eva?

Eva

(Ringluð) Var úlfur? Hva, hvaða, ég meina er það einhver sjúkdómur?

Gylfi

Veistu ekki hvað varúlfur er.

Eva

Er það eitthvað eins og rauðu hundarnir eða svoleiðis.

Gylfi

Nei, en reyndar er til sjúkdómur sem kallast rauðir úlfar en það er ekki það sem Ófeigur á við. Ófeigur heldur því fram að hann hafi séð þig breytast í úlf, raunverulegan úlf. Og þegar það gerist er það kallað að verða að varúlf.

Eva

Gvuð er það hægt að menn breytist í, í úlfa? (Lítur á Ófeig vantrúuð og svo á Einar.)

Einar

Það eru til margar sögur af slíku, aðallega frá meginlandi Evrópu. En nú á tímum er litið á þær sögur sem þjóðsögur og nútíma vísindi telja það gjörsamlega ómögulegt að ein tegund breytist í aðra á einu andartaki.

Ófeigur

Hvað tekur það langan tíma fyrir fiðrildi að skríða úr púpunni?

Einar

Það er allt annað. Hamskipti innan tegunda er vel þekkt fyrirbæri og þau taka ekki svo langan tíma.

Ófeigur

Eru varúlfar þá ekki bara tegund út af fyrir sig?

Einar

Varúlfar eru samkvæmt því sem ég best veit, venjulegt fólk sem breytast í úlfa þeð er að segja varúlfa ef það er bitið af öðrum varúlfi.

Ófeigur

Og Púpa er ormur sem breytist í fiðrildi.

Gylfi

Við skulum láta líffræðina liggja á milli hluta í bili. Getur þú ekki fullvissað Ófeig Eva, um að þú sért ekki varúlfur.

Eva

(Horfir ringluð á Ófeig) Gvuð Ófeigur, þú veist að ég elska þig af öllu hjarta en þetta finnst mér nú of langt gengið. Heldurðu að ég sé eitthvert óargadýr?

Ófeigur

Ég veit hvað þú ert. Þú veist hvað þú ert og þú veist að ég veit hvað þú ert.

Gylfi

Ófeigur sagðist hafa séð þig breytast í úlf um kvöld fyrir stuttu og að þú hafir síðan hleypt inn öðrum varúlfum sem Ófeigur segir að búi á neðri hæðinni í húsinu ykkar. Og að börnin ykkar hafi orðið vitni að þessu. Hann segir að þú hafir síðan farið með þeim upp í sjónvarpsherbergið á loftinu og dvalist þar næturlangt í félagi við varúlfana.

Eva

Í félagi við varúlfana á neðri hæðinni?

Gylfi

Já

Einar

Er eitthvað satt í þessu?

Eva

Hann er örugglega að tala um það sem gerðist á laugardagskvöldið síðasta.

Einar

Var þetta á laugardagskvöldið síðasta Ófeigur.

Ófeigur

Já, laugardagskvöldið síðasta. Það var fullt tungl.

Gylfi

Hvað gerðist á laugardagskvöldið síðasta Eva?

Eva

Ég veit eiginlega ekki hvað gerðist. En Ófeigur klikkaðist alveg upp úr þurru. Við vorum að fara að sofa, krakkarnir komnir upp í til okkar eins og stundum gerist. Það var reyndar soldill hávaði frá neðri hæðinni og ég ætlaði að fara og kvarta en þá allt í einu triilltist hann. Hann tók krakkana og skreið með þá út í horn eins og ég veit ekki hvað. Ég veit ekki hvað var í gangi eiginlega. Hann sagði ekki neitt svo ég fór bara fram og ætlaði að fara að hringja í einhvern, en þá róaðist hann. Svo ég fór upp í sjónvarpsherbergi, horfði á mynd og sofnaði þar síðan. Þegar ég kom niður snemma um morguninn var allt í lagi. Ég hef reynt að tala við hann um þetta en hann svarar mér bara út í hött.

Ófeigur

Þú sagðist vera að hugsa um að bíta okkur þegar þú komst niður.

Eva

Þú spurðir hvað ég væri að hugsa og ég sagði að þú hefðir látið eins og ég væri eitthvað monster og hvort þú hefðir verið hræddur um að ég rifi ykkur í tætlur eða eitthvað. Ég tók bara svona til orða.

Einar

Þekkir þú eitthvað fólkið sem er flutt inn á neðri hæðina. Það er nýflutt inn er það ekki?

Eva

Ég hef svona rétt kynnst því. Við erum með sameiginlegt þvottahús.

Einar

Hvaða fólk er þetta?

Eva

Þetta eru nýbúar, flóttafólk frá Bosníu. Þau tala eiginlega enga íslensku og mjög litla ensku.

Einar

Gefum okkur í smá stund að allt sem þú segir Ófeigur sé satt. En hvað viltu að við gerum? Evu finnst greinilega mjög vænt um þig og mér sýnist það vera gagnkvæmt. Hvað viltu að verðir gert?

Ófeigur

Það er einmitt málið. Ég veit ekki hvað ég vil að sé gert. Það er líklega ekki hægt að lækna hana á nokkurn hátt. Mér er nokkurn veginn sama þó hún bíti mig og ég verði að varúlfi. Það mundi leysa málin hvað mig varðar. En hvað verður þá um Gunnu og jón. Hvers eiga börnin að gjalda að eiga varúlfa fyrir foreldra?

Gylfi

Svo þér er aðallega í mun að börnin séu óhult?

Ófeigur

Þau eru aðal málið.

Einar

Þú segist ekki taka nein lyf, hvorki læknislyf né önnur.

Ófeigur

Það er rétt. Aldrei snert dóp af neinu tagi.

Einar

Hvað borðaðir þú á laugardaginn?

Ófeigur

Hvað áttu við? Bara þetta venjulega, morgunmat, snarl í hádeginu og svo kvöldmat.

Einar

Og þú borðaðir bara heima hjá þér?

Ófeigur

Já, hvaða máli skiptir hvar ég borðaði.

Einar

Kannski ekki hvar, heldur hvað gæti skipt máli. Hver eldaði kvöldmatinn?

Eva

Ég eldaði. Róstbíf með kartöflum og villisveppum.

Einar

Villisveppi. Einmitt. Og hvar fékkstu villisveppina?

Eva

Það vill nú svo til að fólkið á neðri hæðinni gaf mér þá.

Ófeigur

Nú, það vissi ég ekki.

Einar

Veistu nokkuð hvers konar sveppir þetta voru?

Eva

Hvað er með þessa sveppi. Þetta voru bara venjulegir villisveppir.

Einar

Borðuðu allir í fjölskyldunni sveppina?

Eva

Hva, hvernig vissirðu það. Það var bara nóg fyrir einn þegar allt kom til alls. Þú veist hvað verður lítið úr svona sveppum við steikingu. Þetta virtist fyrst vera nóg fyrir alla en svo varð þetta að engu. Bara nóg fyrir Ófeig. Krakkarnir eru ekkert hrifnir af sveppum hvort eð er.

Einar

Haldið þið að það sé hugsanlegt að sveppirnir hafi verið eitraðir. Sumir sveppir innihalda efni sem virkar eins og ofskynjunarlyf. Er mögulegt Ófeigur að það sem þú sást á laugardagskvöldið síðasta hafi verið ofskynjun.

Ófeigur

Ofskynjun?

Gylfi

Þetta er alveg rétt hjá Einari. Allt sem þú lýsir að hafi gerst kemur heim og saman við heilatruflanir af völdum eiturefna. Þar liggur úlfurinn grafinn ef svo má að orði komast. (Brosir breitt)

Einar

Er eitthvað annað líklegra? Eitthvað annað sem bendir til þess að þessi úlfakreppa þín hafi verið raunveruleg?

Ófeigur

Ég sá það sem ég sá og heyrði það sem ég heyrði. Það var hvorki draumur eða ofskynjun. Ég er viss um það.

Gylfi.

Við getum tekið úr þér blóðsýni og athugað hvort við finnum einhverja leifar af eiturefnum í því. Venjulega leynir það sér ekki.

Ófeigur

Bara til að sanna að það hafi ekki verið sveppirnir er ég til í það.

Gylfi.

Við skulum þá vinda okkur í það. Það tekur nokkra daga að fá niðurstöðurnar. Í milli tíðinni legg ég til að þið farið heim og látið sem ekkert hafi í skorist.

Eva

Gvuð, haldiði að sveppirnir hafi verið...Gvuð hvað hefði gerst ef börnin hefðu borðað þá líka...Gvuð...(grípur fyrir munn sér)

Ófeigur

Hver er Fríða?

Eva

Fríða? Hvaða Fríða?

Ófeigur

Ég hitti konu hérna áðan sem sagðist þekkja þig og sagðist heita Fríða. Þú ert með henni í saumklúbb.

Eva

Saumaklúbb. Hvaða saumaklúbb. Ég þekki enga Fríðu og ég sauma ekki.

Gylfi

Þetta er greinilega einhver huldukona Ófeigur. Það kannast enginn við hana.

Ófeigur

Ég sá hana nú samt. Og hvernig vissi hún þá hvað ég hét.

Einar

Ég held að þú ættir að fá forgang á þetta blóðsýni Gylfi. Eitrið gæti verið virkt enn þá.

Gylfi

Já við skulum gera það. Ég ætla að byðja hana Eiríku að taka úr þér blóðið og til þess þarftu að fara inn á stofuna hér neðar á ganginum. Einar vilt þú ekki vísa þeim þangað. Þið komið svo aftur þegar því er lokið.

Einar

Jú alveg sjálfsagt. Viljið þið ekki koma með mér. (Opnar hurðina)

Ófeigur

Til hvers á hún að koma með? Ætlið kannski að taka blóð úr henni líka.

Gylfi

(Liftir upp símanum og hringir um leið og hann talar) Nei, allavega ekki starx. Við skulum sjá hvað kemur út úr þinni prufu fyrst. Hún verður þér bara til trausts og halds á meðan. Þakka þér fyrir Einar. (Brosir. Þau fara. Gylfi í símann) Já Eiríka, ég er að senda þér mann sem heitir Ófeigur. Það þarf að taka úr honum blóðsýni sem ég þarf að fá svo greint prontó. Ég sendi þér spekkin um hæl í emaili. (Þögn) Já á leiðinni. Takk. (Gylfi hringir aftur) Linda. Eru börnin þarna enn. (Þögn) Já auðvitað. Getur þú komið með þau til mín, strax? (Þögn) Foreldrarnir eru í blóðprufu og koma svo aftur hingað. Mig langar aðeins að eiga við þau orð áður en þeir koma. (þögn) já. Takk kærlega. (Hann hefur varla sleppt orðinu þegar hurðin opnast og inn kemur Fríða. Hún hleypur um háls Gylfa og kissir hann. Þegar kossin endar ýtir hann henni frá sér) Svona svona, hægann nú Ásta mín. Það er fólk á leiðinni til mín.

Ásta

Nú, voru þau ekki að fara.

Gylfi

Nei, ég er ekki laus enn. Komst þú hérna áðan?

Ásta

Já mér brá alveg svakalega. það sat hérna maður sem ég héllt að þekkti mig.

Gylfi

Af hverju hélstu það?

Ásta

Ég kannast aðeins við konuna hans. Hún lá með mér þegar ég átti Ernu.

Gylfi

Og þú sagðist heita Fríða og vera hjúkka. Það var ekki mjög gáfulegt.

Ásta

Nú ég kom í sloppnum eins og þú baðst um og svo þegar ég sá að hann þekkti mig sagðist ég heita Fríða og þvældi svo eitthvað um að ég þekkti konuna hans frá saumaklúbbi sem við værum báðar í. En ég er viss um að það hefur ekki neina eftirmála, nema ef hann fer að velta fyrir sér þessu með veikindin.

Gylfi

Hvaða veikindi?

Ásta

Æ, ég var í svo miklu hjúkkustuði að ég skáldaði eitthvað um að hún hefði ekki mætt í saumaklúbinn vegna veikinda.

Gylfi

Konan hans er komin hingað líka. Þú verður að gæta þess að þau sjái þig ekki. Drífðu þig bara heim og við sjáumst eftir vinnu.

Ásta

Kemurðu örugglega.

Gylfi

Jóna er að fara á samkomu. Ég hringi á eftir í hana og segist þurfa að vinna og komist ekki. Vona að Guðmundur í Sannleikanum fyrirgefi það eins og venjulega.

Ásta

Baæ (Gefur Gylfa fingurkoss og fer)

(Smá tími líður sem Gylfi notar til að senda tölvupóst. Brátt birtist Linda)

Gylfi

Hvar eru börnin?

Linda

Ég var á leiðinni með þau til þín. Þá kom mamma þeirra og sagðist vera að fara og ætla að taka þau með. Ég átti einskis úrkosta en að láta hana hafa þau.

Gylfi

Æ þar fór í verra. Ég var að vonast til að eiga við þau eitt orð einsömul.

Linda

Er þetta eins og mig grunar?

Gylfi

Er hvað eins og þig grunar?

Linda

Er þetta barnaofbeldismál?

Gylfi

Það held ég varla.

Linda

Það hlýtur að þurfa að gera eitthvað í þessu samt. Það var alveg fyrir tilviljun að ég veitti umbúðunum athygli.

Gylfi

Hvað ertu að tala um kona. Hvaða umbúðum veittir þú athygli.

Linda

Nú umbúðunum sem þau hafa bæði á vinstri handlegg. Þau hljóta að hafa stóran og hættulegan hund á heimilinu. Ég kíkti undir umbúðirnar sem þau voru bæði með ljót og nýleg tannför eftir stóra skeppnu.

Gylfi

Þú hefðir betur tilkynnt mér þetta strax.

Linda

Ég héllt að þetta væri ástæðan fyrir því að foreldrarnir komu að finna þig.

Gylfi

Ekki minnast á þetta við nokkurn mann. Get ég treyst því?

Linda

Auðvitað. (fer)

Gylfi.

(Grípur símann og hringir) Eiríka? Já blessuð aftur, er Ófeigur enn hjá þér? (Þögn) Nú ansi varstu snögg að þessu. (Þögn) Jæja. Það er bara svona. Ég á ekki orð.(Þögn) Var hann hræddur? (Þögn) Jæja, ég skal sjá um þetta. Ég reyni að ná í hann seinna. Takk.

(Gylfi gengur að dyrunum og læsir þeim. Gengur síðan að skáp og tekur út úr honum litla svipu. Hann fer úr skirtunni og gengur að speglinum. Tekur spegilinn frá og byrjar að híða sjálfan sig. Við hvert högg hefur hann yfir setninguna sem stendur á veggnum.)

“Ráði holdið yfir andanum skal því refsað”

Annar þáttur

Gerist í stofu/borðstofu á heimili þeirra hjóna Ófeigs og Evu um kvöldið eftir heimsókina til læknanna. Stofan er vel búin, með stórum glugga á vinstri hlið. Hægra megin séstí stiga sem liggur upp á loftið. Elhús er hægra megin, og gangur til útidyra. Þrjár hurðir sjást, ein inn í svefnherbergi þeirra hjóna, önnur inn í barnaherbergið og sú þriðja inn á baðherbergið

Ófeigur

(Kemur út úr barnaherberginu og heldur á barnasögubók.) Jæja.

Eva

Eru þau þá sofnuð?

Ófeigur

Já ég var varla byrjaður að lesa þegar þau duttu útaf. Rauðhetta rétt að leggja af stað inn í skóginn.

Eva

Það kemur mér ekki á óvart. Þetta er búinn að vera langur dagur hjá angakrílunum.

Ófeigur

(Sest í sófann og byrjar að glugga í bók) Áttu kaffi?

Eva

(Kemur með kaffbolla handa Ófeigi og sjálfri sér og sest niður í einn stólinn) Hvað ertu að lesa?

Ófeigur

Þetta er bók sem ég fann á bókasafninu. Ég fór þangað seinni partinn. Hún er um varúlfa.

Eva

Uss það er ekkert að marka það sem stendur í öllum þessum bókum. Engin þeirra er til að mynda skrifuð af varúlfi. Hvað langar þig til að vita sem þú veist ekki nú þegar?

Ófeigur

Ja. Til dæmis hvernig eigi að verjast þeim.

Eva

Það getur nú verið erfitt.(Brosir)

Ófeigur

Og greinilega ómögulegt fyrir börn. Þú ákvaðst að bíta þau ekki satt. Voru þau ekki hrædd?

Eva

Ég gerði það á meðan þau sváfu síðast liðna nótt. Þau fundu ekki einu sinni fyrir því.

Ófeigur

Það er skrýtið. Þetta eru nú engin smá tannför.

Eva

Um leið og við býtum rennur deyfiefni sem framleitt er í munnvatnskirtlunum í sárið svo bitið verður sársaukalaust með öllu og því fylgja aðeins smá eymsli eftir á.

Ófeigur

Þetta hef ég nú aldrei heyrt um.

Eva

Það er svo margt sem þú veist ekki.

Ófeigur

Er það satt að það sé aðeins hægt að drepa varúlf með því að skjóta hann með silfurkúlu?

Eva

Varúlfar hafa verið til miklu lengur en byssur og þeir hafa verið ofsóttir og drepnir af mannfólkinu á einhvern hátt frá upphafi.

Ófeigur

Hvernig kom þetta þá til með silfurkúluna?

Eva

Silfur er ban-eytrað fyrir Varúlf og komist það í blóð hans býður hans ekkert nema dauðinn.

Ófeigur

Og hvað ætlastu svo fyrir. Þú ert búinn að býta börnin, er ég þá ekki næstur?

Eva

Ég veit það ekki enn. Ég get ekki ákvaðið mig með það alveg eins og stendur. Það gæti verið heppilegra fyrir okkur öll að þú haldir áfram að vera algjörlega mennskur.

Ófeigur

Segðu mér, hvað verða börn sem algjörlega mennskur maður getur með varúlfs ynju.

Eva

Þau verða varúlfar.

Ófeigur

Hvað eru eiginlega margir varúlfar í landinu?

Eva

Það veit enginn.

Ófeigur

Er enginn, hvað það nú heitir, yfirúlfur?

Eva

Nei, enginn sem er yfir öllum. Hver hópur hefur samt sinn foringja.

Ófeigur

Og hver er foringinn þinn?

Eva

Vidars.

Ófeigur

Er það þessi stóri?

Eva

Já.

Ófeigur

Og verður þú að gera hvað sem hann segir?

Eva

Nei, en það gilda samt ákveðnar samskiptareglur.

Ófeigur

Hvaða samskiptareglur.

Eva

Við skilum bara segja að á meðan við erum dýr högum við okkur eins og dýr.

Ófeigur

Hvernig er það með hamskiptin. Getið þið ráðið því alveg hvenær þið breytist?

Eva

Við getum það hvenær sem við viljum en breytumst alltaf á 29 daga fresti hvort sem það er heppilegt eða ekki. Hjá flestum varúlfum fylgir það fullu tungli eins og tíðahringur kvenna gerði líka í margar aldir áður en ýmiss menningaráhrif náðu að rugla hann.

Ófeigur

Hvernig stendur á að svona lítið er vitað um ykkur. Þessi bók sem á að vera um Varúlfa minnist ekki á neitt af þessu.

Eva

Það eru miklir fórdómar gagnvart varúlfum. Við eru eins og heiti okkar gefur til kynna álitnir vargar og hættulegir mönnum og búpeningi. Það er satt að við verðum að borða eins og aðrir og til þess er búfénaður ekki satt. En við ráðumst ekki á fólk til að éta það. Það gerist aðeins í varnarskyni og til þess að fjölga í stofninum.

Ófeigur

Getið þið ekki fjölgað ykkur án þess að bíta mannfólkið.

Eva

Þetta er soldið flókið mál. Ég er bara nýorðin varúlfsynja eins og þú veist og veit þess vegna ekki allt alveg nákvæmlega. En ef við mundum bara halda okkur við fjölgun innan hópsins mundu úlfagenin fljótlega ná yfirhöndinni og við yrðum bara venjulegir úlfar á nokkrum kynslóðuym. Þess vegna þarf að halda manngenunum í okkur við með því að bíta mannfólk af og til. Mér er sagt að það hafi oft komið fyrir að heilu varúlfahjarðirnar hafi hreinlega horfið af því að það náðist ekki í mannfólk til að býta.

Ófeigur

Og þú hefur sem sagt ákveðið að leggja starx þitt af mörkum í þessu efni með því að bíta börnin okkar.

Eva

Ég gat ekki hugsað mér að þau mundu alast upp í stöðugum ótta við mömmu sína. Eina leiðin til að þau mundu skilja var að þau reyndu þetta sjálf.

Ófeigur

Hvað hafast þá varúlfar að á meðan þeir eru úlfar.

Eva

Þeir eru bara úlfar, sofa mikið, veiða sér til matar,eðla sig og móka og góla.

Ófeigur

Hvað veiðið þið hér í bænum, villiketti eða hvað.

Eva

Nei, þeir sem búa í borgum eða bæjum veiða ekkert nema þegar þeir taka sér frí til að fara á veiðar úti í náttúrunni. Við erum t.d. búin að skipuleggja ferð austur á firði á hreindýr í haust.

Ófeigur

En hvað með mig?

Eva

Við vorum einmitt að ræða það í morgun hvað ætti að gera með þig. Milla vill láta bíta þig en bæði Sergei og Sasja eru á móti því, alla vega á meðan þú ert enn tilbúinn að búa með okkur börnunum án þess að fríka út yfir þessu. En það er ég sem ræð þessu alfarið.

Ófeigur

Og hef ég ekkert um þetta að segja?

Eva

Það getur vel verið að þú hafir eitthvað um þetta að segja en eftir að búið er að býta þig muntu bara vera glaður. Enginn varúlfur óskar þess að vera það ekki.

Ófeigur

Nú, hvað er svona briljant við að vera varúlfur.

Eva

Það fylgja því fjölmargir kostir en þetta er fyrst og fremst spurning um lífsstíl.

Ófeigur

Lífsstíl?

Eva

Já, allir varúlfar hafa það mjög gott svo fremi sem enginn veit að þeir eru varúlfar. Og nú á dögum trúa fæstir að það sé mögulegt. Þú sást nú hvernig fór fyrir þér í dag.

Ófeigur

Já og þú áttir stórleik. Hvað er það sem gerir þá svona sérstaka.

Eva

Fyrst og fremst lyktarskynið.

Ófeigur

Hvað með það.

Eva

Það segir manni algjörlega hvað er í gangi hjá þeim sem við um umgöngumst. Við finnum lykt af öllu. Í hjá lækninum dag fann ég greinilega lyktina af greddunni í honum, og skömmini sem hann hefur á sjálfum sér, óttanum í þér, sjálfsánægjunni hjá þessum Einari og svo af andúðinni hjá stelpunni í afgreiðslunni þegar ég náði í krakkana til hennar. Kannski hefur hún séð umbúðirnar á þeim og dregið sínar ályktanir.

Ófeigur

Það er aldeilis. Já ég get séð hvernig hægt er að gera sér mat úr svona upplýsingum.

Eva

Við gerum það óspart. Það vekur engar grunsemdir núna eftir að þeir fóru að kenna það sem þeir kalla tilfinningagreind og innsæi.

Ófeigur

Það hljóta samt að vera einhverjar down hliðar á málinu, er það ekki?

Eva

Ekki svo ég geti séð. Þetta var víst alveg ömurlegt þega fólk trúði á að við værum til. Allir sturlaðir af hræðslu ef þeir sáu eitthvað. En núna er þetta miklu betra. Allt má skýra á eðlilegan hátt og hjálpa til að viðhalda forréttindum okkar.

Ófeigur

Hvaða forréttindum?

Eva

Ef allir væru Varúlfar mundi til dæmis þefskynið ekki veita okkur neitt forskot eins og það gerrir.

Ófeigur

Segðu mér eitt. Hvers vegna vildu þeir Sergei og Sasja ekki að yrði bitinn?

Eva

Ætli það hafi ekki eitthvað með við samkeppnina að gera.

Ófeigur

Mig grunaði það. Eva mín. Viltu samt lofa mér einu?

Eva

Hverju?

Ófeigur

Viltu lofa mér því að láta mig vita ef þú ákveður að bíta mig, sko áður en þú gerir það?

Eva

Ég get alveg lofað þér því. (Stendur upp) Ég ætla upp að horfa á sjónvarpið. Kemurðu með?

Ófeigur

(Stendur upp) Oh það er aldrei neitt í þessu djéskotans sjónvarpi.

(Þau fara bæði upp í sjónvarpsholið og sviðið myrkvast og tónlist gefur til kynna að tíminn líður. Þegar það lýsist upp aftur er kominn annar dagur.

Þriðji þáttur

Eva er að leggja á borð fyrir tvo. Hún er upp á klædd og í aðsigi er rómantískur kvöldverður. Hún Kveikir á kertum og Ófeigur kemur heim úr vinnu.

Eva

(Tekur á móti manni sínum með kossi) Sæll elskan. Leyfðu mér að taka af þér. (Klæðir Ófeig úr jakkanum og hengir hann upp og leiðir hann til sætis við borðið.) Svona, fáðu þér nú sæti og láttu fara vel um þig. Má bjóða þér smá rauðvín? (Hellir í rauðvínsglas og færir Ófeigi)

Ófeigur

Hvað stendur eiginlega til. Er ég að gleyma einhverju?

Eva

Ég eldaði handa okkur soldið spes kvöldverð. Krakkarnir eru niðri hjá Millu og verða þar í nótt. Liggur ekki annars vel á þér?

Ófeigur

Hvaða dagur er í dag. Hvert er tilefnið eiginlega?

Eva

Ó ekkert sérstakt tilefni. Það er bara orðið svo langt síðan að við höfum gert okkur dagamun saman.

Ófeigur

(Hnusar út í loftið) Umm eitthvað ilmar nú vel í eldhúsinu.

Eva

Ég eldaði róst bíf með villisveppum. Allt tilbúið. En fyrst er það forrétturinn.(Fer inn í eldhúsið og kemur með forréttinn og sest svo sjálf niður hellir sér í glas.) Skál elskan.

Ófeigur

Skál. (þau dreipa á víninu) Það er naumast að það er fínt. Hvað er þetta annars. (Bragðar á réttinum) Umm þetta er gott. Hvað er þetta eiginlega.

Eva

Þetta er frauð gert úr hreindýralifur. Ég fékk uppskriftina hjá Millu um daginn.

Ófeigur

Þetta er hreint frábært. Skál elskan fyrir góðu kvöldi.

Eva

Skál. Heyrðu ég fór aðeins inn í bílskúr í dag. Hvað ertu eiginlega að smíða. Hvað ætlarðu að gera við allar þessar skinnur?

Ófeigur

Þetta eru ekki skinnur mín kæra. Þetta eru hringir.

Eva

Hringir?

Ófeigur

Já, ég ætla að gera mér hringabrynju úr þeim.

Eva

Hringabrynju? Til Hvers? Ertu kominn með áhuga fyrir miðalda herklæðnaði eða hvað?

Ófeigur

Ja, mér fannst að hringabrynja gæti farið vel við skjöldinn og sverðið sem ég er búinn að smíða. Sástu það ekki líka.

Eva

Nei ég tók ekki eftir neinu sverði eða skildi. Hvað kom eiginlega yfir þig, þú hefur nú hingað til ekki sýnt svona löguðu neinn áhuga.

Ófeigur

Leyfðu mér að sýna þér. Ég ætla að skreppa út og ná í þetta. (Stendur upp og fer út. Eva stendur líka upp og gengur hugsandi að glugganum sem hún svo opnar og kíkir út um. Ófeigur kemur að vörmu spori móður og másandi með stóran skjöld og sverð.) Sjáðu þetta tókst bara nokkuð vel hjá mér finnst þér ekki?

Eva

(Tekur sverðið og skoðar það) Þetta er listasmíði hjá þér Ófeigur. Það er svo þungt. Voru sverð svona þung?

Ófeigur

Þau hafa sjálfsagt verið öllu léttari en þetta. Passaðu þig að skera þig ekki á því. Það er úr silfri.

Eva

(Sleppir sverðinu í skelfingu og rekur upp látt óp)

Ófeigur

(Hallar skildinum upp við borðið og sest svo við það og lætur sem ekkert sé og segir brosandi) Ef ekki væri fyrir allann þennann matarilm gæti ég eflaust fundið lyktina af hræðslunni í þér.(Liftir glasi sínu) Skál fyrir fullu tungli.

Eva

Svo þú tókst þá eftir því?

Ófeigur

Tók ég eftir því. Ég hef ekki hugsað um annað undafarna daga.

Eva

(Gengur að skildinum, tekur hann upp og skoðar hann og sér að á bakhlið hans eru myndir af Jóni og Gunnu.) Hvað, ertu búinn að líma myndir af börnunum innan á skjöldinn. Hvers vegna gerðir þú það?

Ófeigur

Ég hugsaði sem svo, að ef ég lenti í orystu mundi það sem ég alska mest veita mér hugrekki og hvetja mig til dáða.

Eva

(Leggur frá sér skjöldinn og tekur forétts-diskana saman og fer með þá inn í eldhús og kemur út með diska með kúplum og sest við borðið.) Hvers vegna settir þú ekki mynd af mér þarna líka?

Ófeigur

Heyrðu það er góð hugmynd. Er ekki best að ég taki mynd af þér í kvöld og noti hana. Hvort eigum við að gera það áður eða eftir að þú breytist?

Eva

Ertu hættur að elska mig?

Ófeigur

Spurningin er hvort þú sért enn þá þú.

Eva

Gildir ekki sama um börnin?

Ófeigur

Vel á minnst, börnin. Ætlarðu ekki einu sinni að vera hjá þeim í fyrsta sinn sem þau skipta um ham.

Eva

Mikið ertu bláeygður. Heldurðu að ég hafi ekki undirbúið þau? Þau hafa tekið hamskiptum mörgum sinnum síðan ég beit þau þó þú hafir ekki orðið var við það.

Ófeigur

Jæja ég mátti svo sem vita það.

Eva

(Gengur að glugganum og opnar hann upp á gátt. Inn um hann koma þrír úlfar stökkvandi, þau Milla, Sasja og Sergei. Á bakgrisju sjást skuggar þeirra sem úlfar en áhorfendur sjá þau sem mennsk. Eva segir urrandi) Gjöriði svo vel. Gangið í bæinn

Ófeigur

Hver fjárinn. Hvað stendur eiginlega til?

Eva

(Urrandi)Jæja það var mikið að þið komuð.

Milla

Ég var soldið sein með matinn og svo átti ég eftir að vaska upp.

Eva

Hvar er Vidars?

Milla

Úti í garði að pissa

Sasja

Jæja, Ertu búinn að bíta hann?

Ófeigur

Hvað eru þeir að gelta. Skilurðu þetta urr.

Eva

Nei ég er ekki búinn að bíta hann, finnið ekki hvað hann er hræddur. (Snýr sér að Ófeigi) Auðvitað skil ég hvað þau eru að segja. Úlfa-gelt er alþjóðlegt og allstaðar eins.

Ófeigur

Hvað eru þau að segja

Eva

Bara að bjóða gott kvöld og svoleiðis.

Sergei

(Urrar) Ég héllt að þú ætlaðir að vera búin að þessu þegar við kæmum.

Eva

Ég var bara ekki komin svo langt. Fariði bara upp í sjónvarpsherbergið og bíðið þar. Ég kem á eftir.

(Úlfarnir taka til fótanna og fara upp. Í þeim heyrist mikill gauragangur ýlfur og urr.)

Ófeigur

(Reiður, hleypur að stiganum og hrópar) Hvert eru þau að fara. Heyriði mig nú. Komið hérna til baka.

Eva

Þau ætla bara að vera uppi. Við eigum eftir ýmsu ólokið hvort eða er.

Ófeigur

Nú hverju þá. Þú skalt ekki halda að ég hafi einhverja list á rómantískum málsverði núna með húsið fullt af varúlfum.

Eva

Þú manst að ég lofaði að láta þig vita ef til þess kæmi að ég ætlaði að bíta þig.

Ófeigur

Já og er nú komið að því?

Eva

Já eins og staðan er held ég að það sé orðið óumflýjanlegt. Þú ert greinilega búinn að láta óttann ná tökum á þér og farinn að undirbúa allskonar varnir.(Lítur á sverðið) Ætlaðir þú að reka okkur í gegn með þessu sverði eða hvað?

Ófeigur

Ég veit ekki alveg hvað ég ætlaði, en mér fannst það bara ófært að sitja og bíða og hafast ekkert að.

Eva

Þér hefur ekki dottið í hug að fara bara?

Ófeigur.

Fara! Fara hvert? Ég á heima hérna og hér ætla ég að vera þrátt fyrir hlandlyktina allt í kring um húsið. Mér dettur ekki í hug að láta flæma mig burtu ef það er það sem þið voruð að vonast til að mundi gerast.

Eva

Jæja við erum bara að sóa tímanum. Þú verður fullkomnlega sáttur hvort eð er eftir að ég er búin að þessu.

Ófeigur

(Sprettur upp, tekur sverðið og bregður því fyrir sig) Já komdu bara ef þú þorir. (Tekur skjöldin líka og tekur sér stöðu fyrir framan gluggann. Ég sver að ef þú kemur nálægt mér mun ég ekki hika við að stinga þig. Að baki honum án þess að Ófeigur verði hans var birtist Vidars í úlfsham og gnæfir yfir hann. Ófeigur skekur sverðið í átt að Evu.) Hva ætlarðu ekki að breytast, stökkva á mig og bíta mig. Hver er það núna sem er hrædd? Ha?

Fjórði þáttur

Sviðið er stofa þeirra hjóna Evu og Ófeigs, 20 árum seinna. Flest er nánast eins og það var nema drungalegra og ber merki um óhirðu. Þátturinn hefst með símtali sem heyrist yfir myrkvað sviðfyrir utan ljósglætu sem berst á milli stafs og hurðar úr svefnherberginu.

(Sónn gefur til kynna að það hringi)

Jón

Halló.

Gunna

Sæll Jón, þetta er Gunna.

Jón

Blessuð.

Gunna

Við þurfum að hittast starx.

Jón

Nú, er eitthvað að?

Gunna

Nei, ekki beint. En Það er dáldið sem ég þarf að ræða við undir fjögur augu. Geturðu ekki hitt mig á Suðurveginum á eftir, svona um átta leitið.

Jón

Ég ætti að geta komið því við. Sjáumst þá.

Gunna

Allt í lagi. Sjáumst.

(Gunna kemur inn og kveikir ljós. Um leið er svefnherbergishurðinni hrundið að stöfum. Hún heldur á innkaupa -poka og fer starx inn í eldhús, tekur upp úr honum og lagar kaffi. Hún lagar einnig glugggatjöldin opnar gluggann og raular fyrir munni sér “ Blue Moon.” Skömmu seinna kemur Jón og opnar með eigin lykli)

Jón

Hæ, ertu komin

Gunna

Já hæ, ég er í eldhúsinu að laga kaffi.

Jón

Það er svo dimmt hérna. Á ég ekki að kveikja fleiri ljós?

Gunna

Þú ræður því.

Jón

(Gengur um og kveikir á fleiri lömpum gengur um íbúðina og hnusar út í loftið. Hann fær sér svo sæti við borðstofuborðið. Gunna kemur inn með tvo rjúkandi kaffibolla, leggur þá á borðið, smellir kossi á kinn Jóns og sest svo gegn honum.) So, syss, whats up?

Gunna

Það hringdi í mig maður í gær og bað mig að finna sig. Hann heitir Einar Oddson og er geðlæknir. Hann sagðist þurfa að tala við mig um eitthvað sem snéri að mömmu og pabba. Ég hitti hann í morgunn á skrifstofu hans og hann sagði mér dálítið sem mér finnst við þurfa að ræða aðeins.

Jón

Greinilega eitthvað sem ekki mátti bíða.(Hugsi) Heyrðu, Einar Oddson. Eitthvað hljómar það nú kunnuglega.

Gunna

Þú getur dæmt um það sjálfur hvort þetta mátti bíða.(Tekur upp bréf) Þetta er afrit af bréfi sem sem hann sagðist hafa fengið í hendur nýlega frá öðrum lækni sem lést fyrir stuttu. Sá hét Gylfi Guðmundsson. Hann sagði að Gylfi hefði beðið um að bréfið yrði ekki afhent fyrr en eftir andlát sitt.

Jón

(Jón tekur bréfið og les upphátt.)

Kæri Einar.

Trúlega voru börnin bitin. Linda Óskarsdóttir læknaritari, sagðist hafa séð umbúðir á upphandleggjum þeirra beggja sama dag og þau hjónin komu að hitta okkur. Því miður hitti ég börnin aldrei sálfur og lét málið niður falla í kjölfar þeirra atburða sem urðu skömmu seinna. Ég hef alltaf haft samviskubit yfir því að þessar upplýsingar komu aldrei fram en ég mat það svo þá að þær mundu aðeins flækja málin. Ég vil samt að þú vitir þetta þó langt um sé liðið og engu verði héðan af breytt um það sem gerðist.

Með kveðju

Gylfi Guðmundsson Læknir

PS. Ég áminnti Lindu á sínum tíma um að segja ekki orð um þetta við neinn og það hefur hún ekki gert að því ég best veit.

GG.

(Þau horfa hvert á annað lengi án þess að segja orð. Jón leggur bréfið á borðið.) Á þessu aldrei að linna?

Gunna

Hann spurði mig hvort ég hefði ör á handleggnum frá því ég var barn.

Jón

Og?

Gunna

Ég sagði honum satt. Engin ör. Sýndi honum meira að segja á mér handleggina.

Jón

(Skellihlær) Nei engin ör. Ekki einu sinni eftir keisaraskurðinn.

Gunna

Ég svaraði bara því sem hann spurði um.(Brosir) Hann spurði um mömmu og hvernig allt hefði farið.

Jón

Er þetta nokkuð mál. Getum við ekki reiknað með að hann láti þetta kjurt liggja eins og komið er?

Gunna

Hann sagðist hafa reynt að hafa samband við þessa Lindu. En hún fluttist til Bandaríkjana fyrir nokkrum árum og hann hefur ekki náð að hafa upp á henni.

Jón

Þetta er hvorki hér né þar. Hvað ætlar hann svo sem að gera. Láta rannsaka málið upp á nýtt eða hvað?

Gunna

Það held ég að hann geri aldrei. Mér fannst hann bara vera að þessu af persónulegum áhuga. Þú veist að þetta er sami maðurinn sem hefur skrifað mikið um allskonar yfirnáttúruleg fyrirbæri undan farin ár.

Jón

Nú er þetta hann. Sá sem fjallaði meðal annars um dýrbýtana á austfjörðum hér um árið. Sá var heldur betur way of. Tómt hjátrúarrugl um fingálkn, skoffín og skuggabaldra.

Gunna

Þú ert sem sagt alveg áhyggjulaus út af þessu?

Jón

Ég sé bara ekki hvernig þetta skiptir nokkru máli núna. Ekki nema að þessi Linda dúkki allt í einu upp.

Gunna

Einmitt. Það greip mig mjög undarleg tilfinning þegar hann fór að tala um a hann hefði reynt að hafa samband við hana. Augu hans urðu soldið kvikul. Eiginlega fannst mér hann vera að ljúga.

Jón

Hvers vegna ætti hann að vera að ljúga til um það?

Gunna

Ég veit ekki. Kannski til að vernda hana.

Jón

Þú segir nokkuð. (Stendur upp) Ég ætla að ræða við Sergei um þetta strax á morgunn. Hann getur fundið út úr þessu á nóinu. Ef hún býr ekki í Bandaríkjunum verður þetta ekkert mál. (Brosir)

Gunna

(Stendur líka upp, gengur að Jóni og strýkur honum brosandi um hárið) Er veiðieðlið að koma upp í þér. Það mætti halda að þér þyki þetta bara gaman.

Jón

(Tekur upp farsímann sinn og lítur á klukkuna, og leggur hann svo á borðið) Heyrðu höfum við ekki tíma?

Gunna

Meinarðu hvort við eigum að fara upp.

(Jón brosir og kinkar kolli. Þau takast í hendur og hlaupa upp á loftið. Það heyrist að kveikt er á Sjónvarpi og fljótlega berast af loftinu ýlfur og gól. Skömmu seinna opnast svefherbergishurðin og út kemur maður klæddur í hringabrynju, með glófa og lokaðan hjálm. Hann heldur á sverði og skildi sem nú hefur verið málað á silfur sverð. Hann gengur hægt að borðinu, tekur upp bréfið og les í hálfum hljóðum. Hann sér farsímann sem hann tekur svo upp og hringir og talar án þess að lyfta hjálmgrímunni.

Ófeigur

(Rámri röddu) Gott kvöld. Geturðu gefið mér númerið hjá Einari Oddsyni Geðlækni.(Þögn) Geturðu gefið mér það upp líka? (Þögn) Takk fyrir. (Hann velur annað númer og býður) Gott kvöld. Er þetta Einar Oddsson Geðlæknir? (Þögn) Afsakaðu að ég skuli vera trufla þig á þeesum tíma. Ég heiti Ófeigur Jónsson og ég vildi gjarnan hitta þig. Ég er nýbúinn að lesa bréfið frá honum Gylfa.(Þögn) Ja, það væri betra ef þú gætir komið til mín.(þögn) Ég bý enn á Suðurgötu 7. Geturðu komið hingað?(þögn) Nei nei, ekki í kvöld. Það mundi ekki henta.Á morgun væri í lagi.(Þögn) Því fyrr því betra. Fyrir hádegi væri best.(Þögn) Segjum það.þakka þér fyrir. Blessaður.(Ófeigur leggur frá sér símann og bréfið, fer inn í eldhúsið og nær sér í kaffibolla sem hann fer svo með inn til sín.)

Fimmti þáttur

Gerist í stofunnni morguninn eftir. Dyrabjöllu er hringt og Ófeigur kemur út úr svefnherberginu klæddur í fullann riddaraskrúða og fer til dyra. Hann er klæddur í riddaramussu utan yfir hringabrynjuna sem á er bróderað (málað) sverð eins og er á skildinum. Hann opnar útidyrahurðina.

Einar

Ert þetta þú Ófeigur.

Ófeigur

Sá er maðurinn. Komdu inn, fljótur.(Þeir koma inn í stofuna og Einar tekur upp vasaklút og bregður fyrir vit sér.)

Einar

Úff.

Ófeigur

Já, er lyktin sterk.

Einar.

Þú verður að fyrirgefa, en þetta er sú megnasta stækja sem ég hef bara fundið. Hvaðan kemur hún eiginlega.

Ófeigur

Ég er löngu hættur að finna hana. En það er ekki að furða að bragð sé að. Þeir mýga út um allt hús í hvert sinn sem þeir koma hingað. Svo svara ég í sömu mynt eftir að þeir eru farnir svo þeir haldi ekki að þetta sé alfarið orðið þeirra yfirráðasvæði.

Einar

Áttu við að þú kastir af þér vatni hér í stofunni?

Ófeigur

Það er það eina sem þeir skilja. Þetta eru dýr.

Einar

Koma þeir hingað oft.

Ófeigur

Hvað heldurðu. Þetta er enn aðal samkomustaðurinn. Þau Jón og Gunna voru meira að segja hérna í gærkvöldi þegar ég hringdi í þig. Ég notaði síman hans Jóns á meðan þau fóru upp. Þau létu aftengja minn fyrir löngu.

Einar

Upp? Upp hvert?

Ófeigur

Já, upp þarna. (Bendir á stigann) Upp í sjónvarpsholið. Þar halda þeir sig aðallega þegar þeir eru í ham.

Einar

Má ég kíkja?

Ófeigur

Gjörðu svo vel og verði þér af því. Það eru ár og dagar síðan ég leit þarna upp síðast og þá var ekki frýnilegt um að litast.

Einar

(Fer upp stigann en kemur að vörmu spori niður aftur.) Ég á ekki eitt einasta orð. Hvers konar óargadýr eru þetta eiginlega.

Ófeigur

Varúlfar. Við köllum þau varúlfa minn kæri.(Gengur út að glugganum og kíkir út á milli gluggatjaldanna) Trúirðu núna að ég hafi verið að segja satt?

Einar

Hvernig getur þú búið við þetta?

Ófeigur

Hvað á ég að gera. Eftir að þeir slepptu mér átti ég ekki í marga staði að venda eins og þú hlýtur að skilja. Svo ég fór bara heim og hér hef ég verið.

Einar

Og síðan þá eru liðin 15, er það ekki.

Ófeigur

Rétt um það bil.

Einar

Og hvað, ferður aldrei út?

Ófeigur

Til hvers?

Einar

Eitthvað hlýturðu að þurfa að borða.

Ófeigur

Þau sjá um það allt fyrir mig. Borga það sem þarf að borga, koma með matinn. Þetta er allt í þeirra höndum.

Einar

Hverra?

Ófeigur

Barnanna

Einar

Hvað varð um þau á meðan þú varst í burtu?

Ófeigur

Þau voru tekin í fóstur af hyskinu sem bjó á neðri hæðinni. Þar vildu au vera.

Einar

Hafðir þú ekkert um það að segja?

Ófeigur

Það stendur ekkert fyrir þeim ef þau ætla sér eitthvað. Þeir halda hópinn hvað sem á gengur og hafa alltaf sitt fram. Blekkingarvefurinn er svo þétt riðinn og ekki hjálpar að það trúir enginn neinu misjöfnu upp á þá. Þú mannst nú hvernig þú brást við þegar ég kom til ykkar hér um árið.

Einar

Já satt segirðu. Það er ekki langt síðan að ég fór í alvöru að gefa þessu sjéns. En hvað hyggistu fyrir?

Ófeigur

Hvað hyggist ég fyrir? Er ekki spurningin, hvað hyggist þú fyrir að gera. Ég er búinn að verjast þeim einsamall í 20 ár. Búinn að missa fjölskylduna og allt í klærnar á þessu pakki. Jafnvel þetta hús er ekki á mínu nafni lengur.

Einar

Ég gæti látið heilbryðisyfirvöld vita af ástandinu hér inni. Það mundi koma einhverri hreyfingu á málið. Hver er skráður fyrir húsinu?

Ófeigur

Þessi Sergei held ég. Hann tók við eftir að ég drap Vidars.

Einar

Tók hann við hverju?

Ófeigur

Forystunni í hópnum. Vidars var það áður.

Einar

En drapst þú Vidars? Mig minnir að þau hafi bara fengið fáeinar skrámur.

Ófeigur

Þær skrámur voru veittar með þessu.(Skekur sverðið) Þetta er veiki punkturinn hjá þeim. Það er úr ekta silfri og kostaði sitt skal ég segja þér. Sem betur fer fundu þeir það aldrei. Þú veist að þeir þola ekki silfur. Ef það kemst svo mikið sem í snertingu við blóðstreymi þeirra drepast þeir.

Einar

Hvernig var það, varstu ekki undir neinu eftirliti eftir að þú komst út. Áttirðu ekki að mæta hjá neinum í viðtöl eða svoleiðis?

Ófeigur

Jú, eitthvað var nú talað um það. En því var aldrei fylgt neitt eftir. Og það fyrsta sem ég gerði eftir að ég kom út var að henda pillunum í ruslatunnuna.

Einar

Einu hef ég samt verið að velta fyrir mér sem ég skil ekki alveg. Hversvegna eru þau hættuleg?

Ófeigur

Hvað áttu við? Þetta eru varúlfar. Óargadýr.

Einar

En hvaða mein vinna þeir öðru fólki.

Ófeigur

Sérðu ekki hvernig þau haga sér.

Einar

Tökum sem dæmi börnin þín. Bæði í góðum stöðum og gildir þjóðfélagsþegnar. Alla vega á yfirborðinu. Hvað er það sem gerir þau svona hættuleg?

Ófeigur

Það er enginn óhultur fyrir þeim. Þau, þau eru ekki mennsk.

Einar

En þau haga sér að mestu leiti eins og þau séu mennsk. Hvað gera þau sem við sem erum almennsk gerum ekki?

Ófeigur

Varúlfar eru slóttugir. Láta alla halda að þeir séu eins og við en eru það ekki. Sástu ekki hvernig var umhorfs uppi. Heldurðu að nokkur mennskur maður mundi geta hafst þarna við tímunum saman eins og þau gera? Svo fara þeir í veiðiferðir bara til að geta drepið. Og verst af öllu, þeir þurfa að bíta aðra menn til að viðhalda mennskum einkennum sínum.

Einar

En þeir drepa ekki fólk er það?

Ófeigur

Drepa og drepa ekki. Þeir eyðileggja líf þeirra sem þeir bíta. Þeir drepa það sem fólk og gera það að dýrum. Það er glæpur, er það ekki.

Einar

Nú er ég ekki lögfróður maður, en það hlýtur að vera ólöglegt að breyta einhverjum svona án þess að sá sami vilji það.

Ófeigur

Einmitt. Ekki spurðu þau börnin.

Einar

Gunna kom að finna mig í gær. Hún sýndi mér handleggina og það voru engin ör að sjá.

Ófeigur

Það er ekkert að marka. Vissurðu ekki að sár á varúlfum gróa án þess að skilja eftir sig ör.

Einar

Einmitt, nei ég vissi það ekki.(Þögn) Viltu að ég hafi samband við heilbrygðiseftirlitið. Þeir mundu geta gefið formlega skýrslu um ástandið hér á heimilinu og það mundi koma hreyfingu málin eins og ég sagði.

Ófeigur

Og mundi verða til þess að ég yrði lokaður inni aftur,ekki satt?

Einar

Ég ætla að sjá hvað ég get gert. Ég verð í sambandi fljótlega aftur.(Gengur fram í ganginn) Vetu sæll.Ég hleypi sjálfum mér út.

Sjötti þáttur

Sviðið er heimili ófeigs. Verið er að tæma íbúðina af húsgögnum og og þrífa hana. Vidars og Sergei bera út síðasta hlutinn sem er borðstofuborðið. Á miðju gólfi stendur riddarabúningur Ófeigs sverð og skjöldur á statífi.

Jón

(Kemur niður stigann með fötu og kúst og þrifefni) Jæja, þetta verður ekkert betra í bili. Er þetta þá ekki að verða tilbúið svo hægt sé að mála.(Gengur svo að glugganum og opnar hann upp á gátt.) Við skulum skilja gluggann eftir opin til að ræsta betur út.

Gunna

(Kemur innan úr baðherberginu í gúmíhanskum og með soldið blóðuga tusku í hendi.) Baðherbergið er klárt. Það verður að skipta um gólfefni þar er það ekki.

Jón

Þar og sjálfsagt á allri íbúðinni. Það kaupir ekki nokkur maður íbúðina í þessu ástandi.

Gunna

Mamma, eruð þið ekki að verða búnar?

Eva

(Eva og Milla koma út úr svefnherberginu og Eva þurkar af gólfinu um leið og hún stígur út úr því.Eva sem er með hálsklút stendur upp og litast um) Komst þetta svo allt á kerruna?

Jón

Þetta var nú ekki svo mikið þegar allt kom til alls. Ætli það sé ekki best að ég fari með þeim úr því að þessu er lokið hérna. Ætlaði Einar ekki að vera kominn. (Fer)

Gunna

Hann hringdi áðan og sagðist vera á leiðinni.

Eva

(Gengur að brynjunni sem er verulega áfallin með klútinn og byrjar að þurka af henni en Milla byrjar að skúra borðstofuna.

Gunna

Hvað ertu að gera mamma?

Eva

O svo sem ekki neitt. Það verður meira en lítið verk að þrýfa þetta svo gott verði. (Strýkur brynjuna ástúðlega) Hvað svo sem annað verður sagt um pabba þinn, var hann listasmiður.

Gunna

Hættu þessu. Einar vill kannski bara hafa hana svona. Annars skil ég ekki hvers vegna hann vill endilega fá þetta til sín. Satt að segja finnst mér það soldið spúkí.

Eva

Þið Jón féllust nú samt á það. Hvað átti svo sem að gera við það annars?

Gunna

Já, það var annað hvort það eða að farga því. Það hljóta samt að vera talverð verðmæti í þessu sverði. Er það raunverulega úr ekta silfri.

Eva

(Tekur upp sverðið og handfjatlar það) Pabbi þinn seldi bílinn sinn til að borga fyrir silfrið í því. (Leggur niður sverðið og trýkur sér um hálsinn) Nei, það er best að það fari.

(Milla er komin að þar sem þær mæðgur standa og fer inn í barnaherbergið með fötun án þess að klára stofuna til að skúra það. Um leið er bankað og Gunna fer til dyra.)

Gunna

Já blessaður.

Einar

Fyrirgefðu hvað ég er seinn. Umferðin var hreint ótrúleg. (Þau koma inn í stofuna) Komdu sæl.(Gengur að Evu og þau takast í hendur) Þú ert Eva ekki satt. Það er orðið ansi langt síðan að við sáumst síðast.

Eva

Sæll Einar. (Brosir) 30 ár eða svo. Mig langar að þakka þér fyrir það sem þú gerðir fyrir hann Ófeig. Þú reyndist honum vel síðustu árin.

Einar

Það var nú frekar lítið sem ég gat gert fyrir hann þegar allt kom til alls. Hann fór sínu fram hvað sem reynt var.

Gunna

Kemurðu þessu öllu í bílinn. Statífið er soldið fyrirferðamikið og níðþungt.

Einar

Það verða einhver ráð með það. Jæja, þið eruð aldeilis búin að taka til hendinni hérna. (Lítur í kring um sig)

Gunna

Hvað ætlarðu svo að gera við þetta.

Einar

Ég hafði hugsað mér að láta smíða um þetta skáp heima hjá mér. Þetta er listasmíði. (Fjatlar við hringabrynjuna)

Gunna

Þú ætlar ekki að sjá hvort búningurinn passar þér.

Einar

(Hlær) ha, nei það held ég ekki. Samt er aldrei að vita. (Snýr sér að Evu aftur) Eruð þið Vidars flutt aftur í bæinn?

Eva

Það má segja það. Vidars seldi aldrei hæðina hérna niðri. Það má segja að við höfum haldið tvö heimili öll þessi ár þó við höfum sáralítið verið hér. Samt vildi svo til að við vorum stödd hérna daginn sem Ófeigur skildi við.

Einar

Já,einmitt. það var skrýtin tilviljun, ekki satt.

Eva

Ég veit það ekki. Stundum velti ég því fyrir mér hvort hann hafi heyrt umganginn á neðri hæðinni og hreinlega ekki ráðið við það. Kannski sá hann okkur.

Einar

Þú mátt ekki láta sjálfsásökunina ná tökum á þér. Ófeigur var mjög veikur maður. Það sést best á áverkunum sem veitti sjálfum sér.

Gunna

Viltu að ég hjálpi þér með þetta út í bíl.

Einar

Þakka þér fyrir. Já það er best að ég fari að drífa mig. En þér er velkomið Eva að leita til mín ef það er eitthvað sem ég get hjálpað þér með. (Þau taka brynjuna og hjálminn og bera það út. Eva tekur upp skjöldinn eins og hún ætli að hjálpa til en hættir svo við og starir á myndirnar innan á honum. Hún er enn í sömu stellingum þegar þau koma inn aftur. Það er eins og hún ranki við sér þegar þau koma aftur og Einar tekur skjöldinn og sverðið) Jæa ég kveð þá. Og þakka ykkur kærlega fyrir að eftirláta mér hertygin. Ég met það mikils.

Gunna

Gangi þér vel. Vertu sæll.

Eva

Vert blessaður.

(Einar fer)

Gunna

Jæja eigum við ekki bara að fara að tygja okkur. Milla klárar

hérna og læsir.

Eva

Veistu, ég held að þessi Einar sé ekki allur þar sem hann er séður.

Gunna

Já, fannstu það líka?

Eva

(Þær fara fram í gang og klæðasig í kápur) Þegar hann fór að tala um áverkana stóð mér satt að segja ekki á sama.

Gunna

(Hrópar) Bless Milla við erum farnar niður.

Milla (Svarar innan úr herberginu) Já bless. Við sjáumst á eftir.

(Smá stund líður uns Milla kemur út úr barnaherberginu. Hún er breytt í útliti með hár í andlitinu. Hún skúrar í flýti restina af stofunni, fer inn í eldhús og gengur frá þvottadótinu. Þegar hún kem aftur er hún enn meira breytt. Hún fer í kápu og setur á sig höfuðklút og stekkur út um gluggann)

Endir